Bo por imaginá un fin di aña sin Ayaka?
Tin algun plato ku sigur ta indispensabel durante selebrashon di fin di aña i Ayaka ta un di nan. A pesar di ku Ayaka originalmente ta bini di Venezuela, na Kòrsou nos a adoptá e delikatesa aki i hasié parti di nos rikesa kulinario i tradishon. Ayaka ta konsistí prinsipalmente di mansa di ariña di funchi, yená ku sea galiña, karni òf porko. Ta keda na abo ku bo ta kome ayaka komo un pasapalo òf un kuminda riba su mes, pero un kos ta sigur, unu so lo no ta sufisiente. Den e video aki Shoulaika Panneflek, kende ta e moderadó di e página konosí di facebook ‘Ki ta kushiná awe’, ta bai siña bo paso pa paso kon pa traha un dushi Ayaka. Despues di sigui e kurso akí, bo no tin mester di warda te fin di aña mas pa bo kome un bon Ayaka.
Loke bo ta bai siña ta:
· E sekreto pa traha un mansa di ayaka ku ta suave i no ta garna
· Un manera fásil pa prepará e blachi di bakoba promé bo mara e ayaka aden
· E téknika perfekto pa mara e Ayaka di manera ku awa no ta drenta aden ora di herebé
Konosementu
· Pa por sigui e kurso akí, ta rekerí konosementu avansá di kushina. Tur paso ta ser spliká di un manera fásil i komprendibel
Kurso akí ta inkluí
· Video ku durashon di 12 minüt i 17 sekònde
· Akseso ilimitá na video
· Akseso via telefòn selular i kòmpüter
