Banana Stobá
Banana stobá
Banana stobá ta un kuminda ku nos grandinan di ántes tabata gusta kome. E plato akí ta kontené nutrientenan manera heru i vitamina C kual ta hopi bon pa bo salú. Ainda e ta hopi gustá serka nos hendenan. Sinembargo e ta un kuminda ku mashá poko ta wòrdu bendé. Den e video akí Nelson Julia ta bai kompartí ku bo un reseta típiko di Kòrsou ku bo no mag pèrdè. Ku e tepnan ku bo ta bai risibí den e video akí, bo por ta sigurá ku bo Banana stobá lo ta ríku na sabor i bon balansá.
Loke bo ta bai siña:
- Kiko ta e promé kos ku bo tin ku hasi pa evitá ku e kuminda ta haña un sabor zür òf beter.
- Kua ta e ingrediente ku sigur no mag falta den e kuminda
- Kon pa krea balansa den tekstura di e kuminda di manera ku e banana no ta muchu duru ni tampoko demasiado moli.
Konosementu
- Pa por sigui e kurso akí, no ta rekerí konosementu avansá di kushina. Tur paso ta ser spliká di un manera fásil i komprendibel
Kurso aki ta inkluí
- Video ku durashon di 13 minüt i 22 sekònde
- Akseso ilimitá na video
- Akseso via telefòn selular i kòmpüter